Vera hêrişanê îşxalî yê dewleta tirke yê vera Rojawanî serkêşîya Platformê Dîplomasîya Komelkî yê Rojawanî ra kampanyaya îmzayan a mîyanneteweyî dîyaye destpêkerdene. Welatanê cîya cîyayan ra xeylêk dezgehanê sîvîl û demokratîkan paştî daye kampanya.

Kampanyaya ke 7ê teşrîna verêne de bi sernameyê  "Vengdayîşê Çalakîya Lezabeze:  Şerê Vera Merdimîye yê Vera Rojawanî Vindarnê  " dîyaye destpêkerdene, semedê ci metînê îngîlîzkî, îspanyolkî, portekîzkî ameyî hazirkerdene.

Metne kampanya de veng dîya hêzan û dezgehanê mîyanneteweyî ke wa vera hêrişan tewir bîgêrê û cade gamêke bierzê.

Brezilya, Meksika, Şili, Kolombîya, Hindistan, Çîn, Amerîka, Almanya, Îngîltere û Iraq ra 34 rêxistin, têgêrayîş û dezgehanê heqanê merdiman tewrê kampanya bîyî. Îmzayê ke yenê arêdayene do pîya bi mektûbêkê eşkerayîye teslîmê Neteweyanê Yewbîyayeyan, Dîwanê Edaletî yê Mîyanneteweyî Laheyî û dezgehanê eleqedaran ê mîyanneteweyî bibê.