Hêrişê îşxalî yê dewleta tirke yê vera herêmanê Rojawanê Kurdîstanî bêmabên dewam kenê. Hêrişan de vizêr şan 4 cinîyî birîndar bîyî.

Artêşa îşxalkere û cerganê ci qezaya Til Rifet û dewê Bêlûniyê, Eyn Deqnê, Minix û Şêx Îsayî yê Şehba, dewê  Tat Meraş, Şêwarxa û Merenazî yê qezaya Şera dayî bombayan ver. Bombarduman de 100 obusî kewtî herême. Şêx Îsa û Til Rifet de 4 cinîyê erebî Rovaş Reşo (50), Lemya Hesen (41) Kewser Mistefa (17), Fewziye Reşo (20)  birîndar bîyî. 

Dewleta tirke ya îşxalkere û cerganê ci dewê Bênê, Bab û Kawlikî yê Şêrawa dayî bombayan ver. 30 topî kewtî dewa Bênê. Dewa Kawkilî zî pê hawan û obusan dîyaye bombayan ver.