Bi desan roniştoxanê Qamişlo û Amûdê hêrişê îşxalî yê dewleta tirke verê baregehanê rûsan de şermezar kerdî û bêvengîya Rûsya protesto kerde.

Qamişlo de roniştoxê herême, partîyê sîyasî, têgêrayîşê cinîyan û dezgehê komelê sivîlî ver bi merkezê hêzan ê Rûsya yê Meydanê Teyarayan ê Qamişloyî şîyî. Çalakîye de Hemserekê Meclîsê Keyeyanê Şehîdan Masûm Hesenî qisey kerd û vat: ''Seb cuyêka rûmetêne ma mergî ra nêtersenê. Ganî vera hêrişan ma têkoşînî pîl bikerê.'' 

Dima hêzanê Rûsya rê mektubêk ame teslîmkerdene. Mektub de ame waştene ke wa Rûsya hêrişanê dewleta tirke vindarna.

Qezaya Amûdê ya Qamişloyî de zî roniştoxanê herême, partîyan û dezgehanê herême heta baregehê Rûsya çalakîya rayraşîyayîşî kerde. Verê baregehî de Endama Partîya Çepe Xada Ehmed eşkerayîye wende. Eşkerayîye de venga Rûsya ame dayene ke wa sey hêzê garantorî verê hêrişan bigêra. Eşkerayîye ra dima tîya de zî mektubêk dîya selahîyetdaranê baregehê Rûsya.