Vera hêriş û tehtîdanê dewleta tirke ya îşxalkere yê vera Rojawanî nêrazîbîyayîşî dewam kenê. Şarê Rojawanî vizêr reyna Reqa, Haleb û Kobanê de vera hêrişan vejîya kuçeyan.

Reqa de şaro ke Bexçeyê Şehîde Hevrîne Xelef de ame têhet bêvengîya vera hêrişanê dewleta tirke şermezar kerd. Qiseykerdişan de qirkerdişê dewleta tirke yê vera Rojawanî ameyî vîrvistene û sebake verê hêrişan bêro girewtene ame waştene ke wa warê hewayî yê Rojawanî dewleta tirke rê bêro qefilnayene.

Haleb û Kobanê de zî bi eynî waştişî şar vejîya kuçeyan û veng da ke vera dewleta tirke ya îşxalkere wa warê hewayî yê Rojawanî bêro qefilnayene. Çalakîyan de bale ameye antene tehdîtanê îşxalî yê dewleta tirke yê vera Kobanê, Minbic û Til Rifatî û hêrişê ke bi doreneyanê çekdaran û tanqan vera Rojawanî yenê kerdene ser û veng dîya komelê mîyanneteweyîyî ke wa şiro dewleta tirke ser û tira hesab biperso.