Îdareyê Kampa Reqa ya Koçberanê Girê Sipî 9ê çeleyî de seba ke 400 wendekarî perwerdeyê xo dewam bikerê 4 konteynirî peyda kerd ke sey dibistan bêrê xebitnayene.

La seba ke hacetê perwerdeyî kêm ê têna 200 wendekarî eşkenê perwerde bivînê û tay wendekarî zî payra dersan teqîb kenê.

Xazî Musa yo ke 8 mamostayanê kampe ra yew o îfade kerd ke 4 konteynirî seba 200 wendekarî qîm nêkenê û nê konteyniran ra yew zî odaya îdareyê kampe yo.

Mamostayî ard ziwan ke wendekarê hewcedarê qelem, defter û kitaban ê.

Xazî Musayî venga dezgehanê perwerdeyî da ke paştî bidê wendekaranê ke neçare mendî ke koç bikerê.

Îşxalê dewleta tirke yê vera Serêkanîyê û Girê Sipî de 65 hezar Girê Sipîyîjî neçare mendî ke koç bikerê. 1300 kesê nê koçberan mîyanê şert û mercanê zoran de dewa Til Semanî ya Reqa de kampe de manenê.