Goreyê zanayîşanê ke ameyî girwetene teyaranê şerî yê dewleta tirka îşxalkere qezaya Şera ya Efrînî, herêma Şehba û qezaya Til Rifatî ser o bombayî varnayî.

Vizêr veraşan dewê Eyn Deqnê û Bêlnîyê yê Şehba ameyî bombardumankerdene ke nê dewî perey zî bîbî hedefê bombayan. Dima zî qezaya Til Rifatî ya Şehba ser o bombayî ameyî varnayene. Saetanê şewe de zî Dewê Alqemîyê û Meranazî yê Şera bi obusan ameyî bombardumankerdene. Ame vatene ke tewr tay 40 obusî erzîyayî herême.