Odaya Çalakîye ya Xezebê Zeytune, derheqê teqayîşê vizêrî yê herêma Cerablûsî eşkerayêka nuştekî weşanaye.

Eşkerayî de ame vatene ke na çalakîye çerçaweya heyfgirewtişî yê Vakurê Sûrîye de ameya kerdene û wina dewam kerd, “Na çalakîye seba heyfgirewtişî çeteyanê ke beşdarê îşxalê Efrînî bîyê, şarî rê zext û zor kerdo ke koç bikerê û kerdişanê terorîstan ke vera şarê kerdê de ameya kerdene.”

Odaye bale ante ser ke teqayîşî de gruba çateyan a bi nameyê "Emniyê Izaz" ra 4 çeteyî ameyî kiştene. Goreyê eşkeraye, nameyê çeteyan ê ke ameyê kiştene wina yê: Elewî Neyîf, Emîr Dîbo, Mihemed El-Şêx Neyîf û Kefreli Rebî El-Rebî.

Odaye da zanayene, çalakîya înan wextê çalakîye Efrînî de ameya kerdene û tede bi desan çeteyê Tirkîya zî ameyê kiştene.

Odaya Çalakîye ya Xezebê Zeytune, eşkerayîye de reyna ard ziwan ke vera kesanê ke destê înan kewto gonîya şarê Efrînî ê do çalakîyan rê dewam bikerê.