Artêşa Milî ya Sûrîye (SMO) ya pabesteyê dewleta tirke 29ê teşrîna peyêne ra nata hêrişê Şehba kena. Hêrişan ra şarê herême koç keno. Cîhane Mistefaya ke hêrişan ra reya diyîne koç kerdo, ajansê ma rê qalê serebûtanê koçkerdişî kerd.

Cîhane Mistefaya ke Efrînî ra ya vat: ''2018 de hêrişan ra ma Efrînî ra vejîyayî. Ma hêverî şîyî Raco, dima zî derbazê Nubbul û Zehra bîyî. La ma aramîye nêdîye. Coka Ma şehba de ca bîyî. Ez Şehba de bîya la domanê mi nêameyî. Domanê mi Til Rifet de mendî. Şehba de zî ma tim binê bombayan de bîyî. 

Ma ancî bîyî koçber. Ma Şehba ra bi zehmetî koç kerd. Ma wesayît nêdî. Fafîn de mîyanê qerebalixî de ez bîya vindî. Hîrê rojan ez teber de menda, mîyanê serdîye de. Peynî de mi domanê xo û keyeyê xo dîyî. Lajê mi ez verê stadyumî ra girewta.

Zulmêko pîl şarê ma rê yeno kerdene. La rixmê ney zî ma do ser bikewê. Erdê ma zerdî ra ercîyayêr o. Labelê ma do erdê xo bipawê û şarê ma do ser bikewo.''