Operasyono ke 7’ê Temmuze de seba herêmanê mabênê Salahaddîn, Mosil, Enbarê û heta sînorê Iraq-Sûrîye ra pakkerdişê DAÎŞ’î dest pêkerdibi dewam keno.

Nê operasyonî de ke nameyê ‘Operasyonê Îradeyê Nasirî’ ci rê ameyo panayene, pîya bi artêşa Iraqî xeylî hêzê Iraqijî zî tede ca gênê.

Yewîyê Xoverdayîşê Şengalî (YBŞ) zî bi hawayêkê aktîfî tewrê operasyonî bi.

Artêşa Iraqî, koalîsyono mîyanneteweyî, Haşd-î Şabî, Haşd Eşayîrî, Hêzê Nusrel Mubîn (Foca Serkewtî) û Yewîyê Xoverdayîşê Şengalî (YBŞ) bi koordînasyonêkê hemparî operasyonî domnenê. Operasyon ver bi qedîyayîşî şino.

‘Operasyonê Îradeyê Nasirî’ Iraq de sey operasyonanê tewr pîlan ra yeno dîyene.

Yeno pawitene ke hêzê ke tewrê operasyonî bîyê eşkerayîyêk bidê çapemenîye.