Dewleta tirke 18ê adara 2018î de Efrîn îşxal kerdbi. Fermandarîya YPGyî serrgêra şeşine ya îşxalê Efrînî de eşkerayîyêke daye.

YPGyî eşkerayîya xo de wina vat: ''Hêzanê ma û şarê ma Efrîn de vera îşxalkeran xoverdayîşêko zixm kerd û fedakarîyêka pîle mojnaye. Şarê ma mojna ke vera her hêrişî xopawitişî bîyarê a. Bi seyan embazanê ma û şarê Efrînî nê xoverdayîşî de bi îmkananê kêman cagirewt û embazê ma sey Avesta Xabûr, Îlan Dara, Artêş Hakkarî û Karker Êrîşî şehîd bîyî.

6 serran o Efrîn de awanîya demografîke vurîyaye, şarê kurdî wareyê xo ra bi, dewleta tirke ya îşxalkere sûcê şerî kerdî û Efrîn de hema zî pakîya etnîk keno. Ma soz danê ke heta ke Efrîn û herêmanê îşxalkerdeyan ê bînan azad bikerê do têkoşînê xo rê dewam bikerê. Ma pêro şehîdanê Efrînî bi rêzî yad kenê. Ma soz danê ke rêçê şehîdanê xo de têkoşînê azadîye pîlêr bikerê.''