Dewleta tirke ya îşxalkere û cerganê ci 9ê teşrîna verêna 2018î de Serêkanîyê îşxal kerdbi û nê îşxalî de tewr tay 300 hezar sivîlî neçare mendî ke koç bikerê.

Îdareyê Xoserî yê Rojawanî seba ronştoxanê Serêkanîyê vakurê Hesekê de Kampa Waşokanî awan kerdbi. Keyeyê  Necahe û Fahrettîn Mihemedî zî Kampa Waşokanî de ciwîyenê. Necahe Serêkanîyê de solî rotêne û Fahrettînî zî berberîye kerdêne. Nika Necahe û Fahrettîn xeymêke de cuya xo dewam kenê.

Necahe vat: ''îşxalê projeyî yê Erdoganî ra dima ma neçare mendî ke koç bikerê. Cuya ma ya Serêkanîyê weş bîye. Dewleta tirke hêrişê herêma kerd, keye û kargehê ma talan kerdî. Ganî ma hesabê naye bipersê. Îşxalkeran dima ke keyeyê ma talan kerdî da adirî ver, darî, baxçeyî vêşnayî. Ganî dewleta tirke hesabê nê kerdişan bida. Peynî de ez do abigêrê keyeyê xo. Ez pê bawer a ke YPG û YPJ do rojêke Serêkanîyê îşxalkeran ra pak bikerê.

Fahrettîn Mihemedî zî vat: ''Sûcêkê ma çinbi ka ma keyeyê ma ra vetî. Dikana ma estbî, ma pîya xebitîyayêne. Nika ma kampe de xeymêke de ciwîyenê. Ma wazenê keyeyê xo de biciwîyê. Seba ke ma abigêrê keyeyê xo destê kamî/e ra çi yeno wa bikero/a.''