Merkezê Îrtîbatî û Çapemenîye yê YPGyî bi eşkerayîyêke nasnameyê şerwan Aslan Qamişloyî eşkera kerd ke 17ê êlule de Qamişlo de şehîd bîyo. Eşkerayîye wina ya:

''Dewleta tirke ya îşxalkere destpêkî ra nata hêrişê Şorişê Rojawanî kena û xeylêk hêrişanê xo de ajan û xayînan şuxilnena. Hêrişo winayên 17ê êlule de qewimîya. Netîceya destekê xayînan de, bi droneyê çekdarî fermandaranê ma ra embaz Aslan Qamişlo şehîd bi.

Embaz Asla 1974 de Çelê de dadîya xo ra beno. O ciwanîya xo de tewrê têkoşînî beno û bi serran sere de Botan, Zagros, Behdînan û Qendîl xeylêk cayan de têkoşînê azadîye keno. O hêrişan ra dima 2013 de verê xo dano Rojawan û tîya de bi tecrubeyanê xo serkêşîya xoverdayîşî keno. O wextê hêrişanê DAÎŞî de şarê Rojawanî paweno û têkoşîn keno. 

Embaz Aslan sey fermandarêkê YPGyî vera DAÎŞî xeylêk hemleyan de cagêno û derbanê pîlan dano cergan ro. Embaz Aslan qasê 35 serran kedêkê pîlî dano têkoşînê azadîye. O mîyanê şertanê zehmetan de zî qetî têkoşînî ra fek vera nêdano û tim bi qerardarî rayraşîyayîşê şorişî rê dewam keno. Ma do mîrasê ey ê têkoşînî rê dewam bikerê. Ma sere de keyeyê embaz Aslanî rê pêro şarê ma rê serweşîye wazenê. Ma soz danê ke mîrasê ey bipawê û qesasê ey bigêrê.

Nasnameyê embaz Aslanî wina yo:

Name: Aslan Qamişlo

Name û Peyname: Mûzellîf Taşkin

Maye: Hîzîm

Pî: Îsmaîl

Tarîx û Cayê Şehadetî: Qamişlo-17ê Êlula 2023yî''