Merkezê Îrtîbatî û Çapemenîye yê YPGyî da zanayene ke înan herêmanê ke hetê dewleta tirke ra ameyî îşxalkerdene de panc çalakîyî kerdî.

Eşkerayîye wina ya:

‘’Artêşa tirke ya îşxalkere her roje hêrişanê xo yê vera herêmanê ma zêdînena. Hêrişê bombardumanî bêmabên dewam kenê. Tewr peynî de 16ê êlule de vera Eyn Îsayî pê droneyanê çekdaran hêriş ame kerdene. Netîceya nê hêrişî de hemra û fermandarê ma yê erjîyayeyî Rojhat Karakoçan û Dogan Amanos şehîd bîyî. Seba ke ma cewabê nê hêrişan bidê û qesasê wird şehîdanê xo bigêrê ma 16, 18, 20 û 21 ê êlule de waranê îşxalkeran de panc çalakîyê qesasî kerdî.

Netîceya çalakîyan de 8 leşkerê tirkî ameyî kiştene. Seba ke dişmenî cenazayê xo wenêdaritî dewijan cenazayî wedaritî. Hetê bînî ra yew mewzî û wesayîto zirxin ameyî îmhakerdne û 11 çeteyî ameyî kiştene û 12 çeteyî zî birîndar bîyî. Xeylêk çeke zî ame destsernayene.

Wezîrîya Pawitişî ya dewleta tirke ya îşxalkere 18ê êlule ra nata derheqê ma de xeberanê xeletan dana. Vanê çar rojanê peyênan de 38 şerwanê me şehîd bîyî la nê îdîayî raşt nîyê. Artêşa tirke ya îşxalkere pê rayraberdişê şerê taybetî merdeyanê xo nimnena û bi xeberanê zûran şarî xapînena.’’