Merkezê Rojawanî yê Cigêrayîşanê Stratejîkan (NRLS) derheqê hêrişanê qirkerdişê etnîkî yê dewleta tirke û polîtîkaya vurnayîşê demografîyî yê Vakur û Rojhelatê Sûrîye de forûmêk serûber kerd.

Forûm bînaya merkezî ya Sendîkaya Kedkaran a herêma Rimêlanî ya Qamişlo de sey 3 roniştişan ame kerdene. Endama Heyetê Rayberdişî yê TEV-DEMî Foza Yusif forum de qisey kerd û rewşa peyêne ya herême ercnaye.

Yusife ard ziwan ke Vakur û Rojhelatê Sûrîye de prosesêko bizehmet esto û dewleta tirke bi destûrê DYA û Rûsya dest pê hêrişan kerd û nika zî qirkerdişê etnîkî kena û demografîyê herême vurnena.

Yusif vat: "Dewleta tirke kerdişanê xo yê pêroyînan de ser nêkewte û hema zî hêrişanê xo dewam kena. Dewleta tirke bi nê hêrişan wazena destkewteyanê herême çin bika. Cergê DAÎŞî kom kerdî û înan reyde hêrişê heram kena. Ma 8 serr ê erdê xo pawenê. Ma do heta peynîye pawitişê xo dewam bikê."

"Ma do qet xo vîrî ra nêkê ke DYA û Rûsya destûr da ke Tirkîya hêrişê ma bika. Gefanê Tirkîya ra şarê ma Serêkanîye, Girê Sipî û Til Rifatî ra remeno. Ma do destkewteyanê şehîdanê ma kesêk rê nêverdê. Ma do erdê xo bipawê, vera hêrişanê dewleta tirke xo ver bidê û ser bikewê. Eke ma bibê yew kesêk zî nêeşkeno verê ma de vindero."

Forûm bi kombîyayîşêkê çapemenîye qedîya.