Şopa tewr kane ya merdiman Amerîka de amî dîyene
Şîlî de netîceyê wekinitişanê arkeolojîkan de şopa tewr kane ya merdiman parzemînê Amerîka de amî dîyene.
Herêma Pîlauco ya başûrê Şîlî de ke welatêkê Amerîya Başûrî yo, sîteyêka arkeolojîke de verê nikayî şopê linganê merdiman ameybî dîyene. Vejîya werte ke şope aîdê 15 hezar û 600 serre verî ya.
Goreyê wekinitişî yo ke kovara PLOS ONE de ame weşanayene, sîteya arkeolojîke ya Pîlauco’yî ke serra 2007 ra nata wekinitişî yenê kerdene şopê merdimanê demanê verênan ameyî dîyene.
Tewr peynî Adar a 2018’î de eyaletê Brîtîsh Columbîa yê Kanada de şopê merdiman ameybî dîyene û eşkera bibi ke ê şopî aîdê 13 hezar serre verî yê.
Jeologan ra Marîo Pîno rojnameyê El Austral de Osorno’yî rê qisey kerd û ard ziwan ke parzemînê Amerîka de xeylî şopê merdiman ê demanê verînan estê. Pînoyî vat rixmê nê de şopa ke tarîxê ci hendeyê naye kan o hewna nêameya tespîtkerdene.
