Îdarekarê NASA’yî Jîm Brîdenstîneyî mulaqatêk da bernameyê Scîence Frîdayî yê radyoyê Amerîkanî WNYC’î. Jîm Brîdenstîneyî vat, “Keso dîyin o ke naye ra dima do şoro aşme, îxtîmalêko gird cinîyêk bo. Keso ke do tewr ver de şoro Mars zî îxtîmalo gird reyna cinîyêk bo.”

Îdarekarê NASA’yî ard ziwan ke 29’ê Adare de reya verêna ke tarîx de di cinîyê astronotî  Îstasyonê Feza yê Mîyanneteweyî ra tepîya sortêk do bikerê. Heta nika sortî yo ke se ra 100 hetê cinîyan ameyo pê nêameybî vitaştene. Cinîyê astronotî, Anne McClaine û Christina Koche îstasyonî ra do bivejîyê û operasyonê nîyadayîşî bikerê.  Bridenstine vat, “Ma şîyayîşê cinîyêka tewr verên a ke şona bi aşme bêsebir pawenê”

 1963 de şîyayîşê  Valentina Tereşkova ya Sovyetije ra nata zaf cinîyî şîyî fezaye. Ewro binê serbanê NASA’yî de zaf cinîyê astronotî ca gênê. Labelê mabênê serranê 1969 û 1972 de çarçewaya mîsyonê Apolloyî de 12 astonotê ke rîyê aşme de gêrayê heme zî camêrdî bî. O tarîx ra nata êdî merdimêk rîyê aşme de nêasa.

NASA nika fuzeya Space Launch System (SLS) a ke hêzina heme wextan a û kapsulê Orionî awan keno. Bi nê projeyî amanc kenê ke serra 2019 de reyna merdimêk bişawe aşme. Hêvî kenê ke 2039 de zî merdim bişawe Marsî.