Genanê merdiman ê nikayênan de genê Homo Sapiensî, Neandertalî û Denîsova estê. La rojawanê Afrîka de genê merdimî yê ke heta nika nêzanîyayêne ameyî dîyene.

Zanîngehê California yê Los Angelesî de cigêrayîşanê pisporanê genetîkî de herinda fosîlanê merdiman de DNAya merdiman ê nikayênan ameyî analîzkerdene. Netîceya nê analîzan de genê merdimî yê ke heta nika nêzanîyayêne û sey 'tewirê nimiteyî' qeyd bîyî ameyî dîyene.

Cigêrayîş de bale yena antene ke nê genê neweyî do mabênê genanê merdiman ê verênan de ca bigêrê. Merdimê nikayênî de genê Nenadertalî merdimanê Ewropa de û genê Denisova zî merdimanê Asya de yenê dîyene û nê gênî resayî heta ewro.

Genê ke rojawanê Afrîka de ameyî dîyene seba ke taybetîya nînan a karakterîstîke nêzanîyena girîng ê. Coka nê tewirî sey 'tewirê nimiteyî' yanî seke tewirê vînbîyayeyî, heta nika nêdîyayî yenê hesibnayene.