Cigêrayîş hetê zanayanê Unîversîteya Kalîfornîya ra ame kerdene. Cigêrayîşî de yeno vîrvistene ke cemsera başûrî ya Aşmî seba ke Sîstemê Rojî ra tewr zaf dûrî ya zafane tarî ya. Yeno vatene ke sey Merkurî ê beşê Aşmî de beno ke cemedê pîlî estbê. Cigêrayîş de ame vîrvistene ke serra 2009 de wastiya feza ya LCROSS’î a herême de awe tespît kerdebî.

Heman wextî de wasitaya fezayî ya Hîndistanî Chandrayaan-1’î zî a herêma Aşmî de bi dîmenan awe tespît kerdebî.

 Manena Krateranê Merkurî

Cigêrayoxanê Amerîkayijan 12 hezarî kraterê Aşmî û 2 hezarî kraterê Merkurî analîz kerdî. Verê nikayî cigêrayîşan de amebi ramotene ke krateranê Merkurî de xeylî awe esta.

Ekspertî vane ke kraterê Aşmî û Merkurî hetê dorme û morfolojîkî ra manenê yewbînan û vanê kraterê Aşmî hîna zaf qalind ê, loma beno ke cemedê awe tede estbê. Yeno texmînkerdene ke cemedê ke Aşmî de yê qasê 100 mîlyon tonî awe tede estbo.

Ekspertê NASA zî vanê awa ke Aşmî de ya bena ke mîyanê çend hezar serran de bi temamî biqedîyo.