Festîvala Kulturê Dêrsimî ya Ewropa ya 12. do 3-4ê hezîrane de, şaristanê Frankfurtî yê Almanya de bêra kerdene. Festîvala emserîne do seba ke serrgêra 100. ya Qirkerdişê Koçgirî yo atfê Zerîfa û Alîşerî bêra kerdene.
Festîvala Kulturê Dêrsimî ya Ewropa ya 12. do şaristanê Frankfurtî yê Almanya de bêra kerdene. Festîvala emserîne bi wesîleya serra 100. ya Qirkerdişê Koçgirî do atfê Zerîfa û Alîşerî bêra kerdene.
Festîvale do hetê Federasyonê Elewîyan ê Demokratîkan (FEDA), Federasyonê Yewinanê Dêrsimî yê Demokratîkan ê Ewropa (ADEF) û Kongreya Înşa ya Dêrsimî (DÎK) ra yena serûberkerdene. Şîarê festîvale zî 'Vera qirkerdişî ma pîya bi xoverdayîşî ser bikewê.'
FEDA, ADEF û DÎKî bi eşkerayîyêke venga pêro elewîyan û dêrsimijan da ke tewrê festîvale bibê.
Festîvale do nê adresî de bêra kerdene: Rebstockpark, Am Romerhof 9, 60486 Frankfurt am Main.
Bernameyê Festîvale wina yo:
"3ê hezîrane
Saete: 17.00
Panel (Tirkî yo)
Kadin ve İnanç (Cinîye û Bawerîye)
Zeynep Dersîm (Aktîvîste-Sîyasetmedare)
Dersim Tarihi ve Toplumsallığı (Tarîx û Komelkîya Dêrsimî)
Sedat Ulugana (Cigêrayox - Nuştox)
Kazim Cîhan (Cigêrayox - Nuştox)
Ozel Savaşın Guncel Siyaseti (Sîyaseto Rojane yê Şerê Taybetî)
Hasan Hayri Ateş (Cigêrayox - Nuştox)
Saete: 20.00
Cemê Muxabbetî
Pîr Ali Bali
Narîne Ana
Pîr Îbrahîm Kete
Dîdare Ana
Pîr Riza Yagmur
Sakîne Ana
Zakîrî: Serape Mutlu Barak, Ebru Dogan
4ê hezîrane
Saete: 11:00
Fîlmo dokument: 1994 de Vêşnayîşê Dewan
Saete: 13:00
Akerdiş (Gulbang)
Kemal Bulbul (Wekîlê HDPyî)
M. Fatih Maçoglu (Şaredarê Dêrsimî)
Ozkan Tacar (Serekê DEDEFî)
Huseyîn Mat (Hemserekê AABKî)
Hayko Bagdat (Rojnameger)
Ayfere Kilinç (Hemsereka FEDA)
Muharrem Erdogan (Hemserekê ADEFyî)
Hulya Yer (Hemsereka DÎKî)
Wekîlê Almanî
Temsîlkarê Şaredarîya Frankfurtî
Çarçewa festîvale de nê hunermendî do vejîyê sehne ser: Koma Stêra, Grup Munzur, Besere Şahîn, Lale Koçgun, Mîkaîl Aslan, Dogan Çelîk, Levent Ozdemîr, Serhad Med, Varvara.
