Xeylêk şaristanan de sereştişê vera Stêrk TV û Medya Haber TVyî ameyî protestokerdene.

Paytextê Danîmarka Kopenhag de çalakîyêke ameye kerdene. Çalakîye de zîyaretê Iraq û Başûrî yê Erdoganî û polîtîkayê hemkarîye yê PDKyî ameyî teşhîrkerdene. Çalakîye bi sloganan qedîyaye.

Şaristanê Grazî yê Avusturya de mîtîngêk ame kerdene.Mîtîng de sereştişê Belçîka ame şermezarkerdene. Eşkerayîye de dîya zanayene ke dewleta tirke wazena pêro Kurdîstanî îşxal bikera. Çalakîkeran îfade kerd ke ê do heta peynî wayîrê dezgeh û rêxistinanê xo vejîyê.

Şaristanê Cenevre yê Swîsre de kurdîstanijan Balyozê Belçîka Marc Pecsteen de Buytswerve, Neteweyanê Yewbîyayeyan ê Belçîka, Rêxistinanê Zereyî û Rêxistina Bazirganîya Dinya de sereştişan ser o pêvînayîş kerd. Buytswerî pêvînayîş de dîyar kerd ke hayîya înan bi hesasîyetê kurdan est a û vat ke sereştiş waştişê Fransa ser o ameyo kerdene. Pêvînayîş de bale ameye antene hêrişanê îşxalî yê dewleta tirke ser zî. Pêvînayîşî ra dima heyetî çelengo reş verê temsîlkarîye de verda.