Însîyatîfê Rojnamegeran ê Azadan (OGÎ) bi raporyêk binpaykerdişê  heqanê rojnamegeran ê serra 2018î  eşkera kerdî.

Eşkerayîye de vilakerdoxê Rojnameyê Azadîya Welatî Kadîr Bagdu yo ke ameyo qetilkerdene ardîya vîrî û ame vatene ke hema kiştoxî nêameyî cezakerdene. Vera qetilkerdiş û hêrişanê serê rojnamegeranê Kurdan tewiro hempar nêame ramojnayene. Coka ewro muxalîfî zî hedefê hêrişan de yê.

Bilançoya binpaykerdişanê serra 2018î ra tayî wina yê:

* 141 rojnamegerî ameyî destbendkerdene

* 64 rojnamegerî ameyî tewqîfkerdene.

* 7 rojnamegeran rê tehqîqat ame akerdene.

* 71 rojnamegeran rê dewa ameye akerdene.

* 521 rojnamegerî ameyî muhakemekerdene.

* 121 rojnamegeran  cezaya pere û hepsî  girewte.

 * 1ê Çile  2016î ra heta 29ê Kanûne ya 2018î  954 kartê çeqerî yê çapemenî ameyî îptalkerdene.

* 4  dezgehê çapemenî ameyî qefilnayene.

* 1  rojname û matbaa rê qeyûm ame tayînkerdene.

* 54  rojnamegerî gure ra ameyî eştene.

* 1  rojnameger ame qetilkerdene.

* 171  rojnamegerî zîndan de yenî tepiştene.