Bi wesîleya 1ê Gulane Roşanê Karkeran rayîrê ke şinê Meydanê Taksîmî û Kuçeyê Îstîklakî ameyî qefilanyene. Xeylêk kesê ke ver bi Taksîmî şîyênî ameyî destbendkerdene.

Xeylêk kesê ke Mecidîyekoyî de ameyî têhet ver bi Taksîmî kewtî rayîr. Polîsan hêrişê şarî kerd 19 kesî bi derbkerdişî destbend kerdî.

Talabaşi de zî endamê Konseya Temsîlkaranê Karkeran û Hêzê Kede ke pankartî akerdî ameyî destbendkerdene.

Reyna Osmanbey de zî xeylêk wendakaranê unîversîte ke ver bi Taksîmî dest pê rayraşîyayîşî kerd ameyî destbendkerdene.

Kaşê Kazanci de zî endamê Federasyonê Şorişgêranê Anarşîstan ke bi pankartan ver bi Taksîmî şîyênî ê zî pê hêrişê polîsan ameyî destbendkerdene.