291 Xoverdayoxê Zîndanan grevê vêşanîye de yê

Vera tecrîdî zîndanan de grevê vêşanîye vila benî. Hûmara xoverdayoxan ê ke grevê vêşanîye yê bêdem-bêagêrayîşî de yê resaya 291.

Çalakîyê grevê vêşanîye yê ke rayberîya hemsereka KCD’yî û parlamentera HDP’yî Leyla Guvene de semedê wedartişê tecrîdê serê Rayberê Şarê Kurdî Abdullah Ocalanî, ame destpêkerdene, zîndanan de vila benî.

Çalakîya Guvene kewte roja xo ya 90’ine.  Çalakîya verêne ya zîndanan ke  hetê 35 tepişteyan ra  10 zîndanan de, 16’ê Kanûne de ameye destpêkerdene, roja xo ya 52’ine de ya.  Çalkîya ke 17’ê Kanûne de 3 zîndanan de bi 10 tepişteyan ameye destpêkerdene roja xo ya 41’ine de ya.  Çalakîya ke 26’ê Kanûne 13 zîndanan de hetê 35 tepişteyan ra ameye despêkerdene, roja xo ya 42’îne de ya. Çalakîya ke 27’ê Kanûne de hetê tepişteyêk ra ameye destpêkerdene  roja xo ya 41’ê de ya. Çalakîya ke 28’ê Kanûne de zîndanêk de hetê 11 tepişteyan ra ameye destpêkerdene roja xo ya 40’ine de ya. Çalakîya ke 2’ê Çele de ameye destpêkerdene roja 35’ine, çalakîya ke 5’ê Çele de 26 zîndanan de dest pêkerd û 100 ra zafêr xoverdayoxê tewrcê ci bîyî roja xo ya 32’ine de ya.

Çalakîya hemsereka pêroyî ya DBP‘yî Sebahat Tuncele û parlamentera HDPyî ya verêne Selma Irmake zî kewte roja 21’ine.

17’ê Çele  ra dima çalakwanê ke kewtê grevê vêşanîye nameyê înan zî eşkera bîyî. Goreyê naye; 17’ê Çele: Zîndanê Tîpê T’yî Hûmara 1’ine  yê Kiriklarî: Erdal Polat, Samî Ozturk û Abdullah Oral. 27’ê Çele: Zîndano Girewte yê Tîpê E’yî yê Gumuşhane: Huseyîn Bîngol, Hamza Arzûman, Reşît Îlhan, Îmdat Bîngol û Halîl Ozerk. 28’ê Çele: Zîndanê Tîpê T’yî Hûmara 2’yîne yê Tekîrdagî: Ramazan Ozlu, Velat Dûman.