Rêxistinê Partîya Şaran a Demokratîke (HDP)  yê Stenbol û qezayanê ci semedê  baleantişê serê grevê vêşanîye û mîtîngê 1’ê Gulane  çalakîyê cîya-cîyayî viraştî.

Çalakîyan de semedê paştdayîşê grevê vêşanîye yê ke rayberîya Leyla Guvene de semedê wedartişê tecrîdê serê Rabyerê Şarê Kurdî Abdullah Oclanî ameyî destpêkerdene û semedê tewrbîyayîşê mîtîngê 1’ê Gulene yo de ke do Meydanê Bazarî yê Bakorkoyî de bêro viraştene ame vengdayene.

Esenler de rayraşîyayîşo meşaleyin ame viraştene. Çalakîye de bi sloganan xoverdayîşê grevê vêşanîye ame silamkerdene. Derûdorê ra hemwelatijanî zî paştî daye çalakîye û tewrê ci bîyî. Kagithane de zî endamanê HDP’yî derheqê grevê vêşanîye de vilawekî vila kerdî û bale ante serê tecrîdî. Maltepe de zî esnaf ame zîyaretkerdene û semedê paştdayîşê grevan û tewrbîyayîşê 1’ê Gulane  ame vengdayene. Kadikoy de zî  bi firnayîşê balonanê ke ser o de mesajê paştdayîşê grevê vêşanîye nuşteyîbî  paştî dîyaye xoverdayoxan. Reyna xeylî qezayanê bînan ê Stenbolî de zî bi heman waştişî çalakî ameyî viraştene.