Fatma Tore (54) hem semedê nêweşîyanê xo hem zî semedê bêîmkanîye 4 serrî yo nêeşkena di lajanê xo yê tepişteyan bivîna. Lajê Fatma Tore Mîkaîl Tore Zîndanê Bandirma de lajê ci yo bîn Mehmet Emîn Tore zî Zîndanê Sîlîvrî de tepişte yo. Fatma Toreya ke dewa Sipîndarokî ya qezaya Şemzînanî ya Colemêrgî de ciwîyena wazena lajê ci sewqê cayêkê nêzdîyî bibê.

Dayîke Tore pare kerd ke lajê ci 5 serrî yo tepişte yê û vat: ''Mergê xo ra verî ez wazena înan bivîna. Mi zaf hende bêrîya înan kerda ke ez nêweş kewta. Mi de tansîyon esto, ez nêeşkena rayîrî ra şora. Ez wazena wa lajê mi cayêkê nêzdîyî de bêrê cakerdene. Ez eşkena têna pê telefonî înan reyde qisey bikera. Na zaf mi dejnena.

Ez venga Wezaretê Edaletî kena wa lajanê mi bîyaro cayê mi, ez vengê înan bieşnawa. Domanê mi bêgune yê. Ez nêwazena heta ke înan bivîna bimira.''