Seba ke îqtîdaro faşîst ê AKP-MHPyî mudaxaleyê huqûqî keno û bi qanûnanê neweyan wazeno sîstemê vîjnayîşî yê baroyan û qanûnê avûkatîye bibedilno baroyî weriştî payan ser. Xeylêk bajaran ra rayberîya baroyan de ver bi Anqara bi slogana ''xopawitiş rayra şino''  rayraşîyayîşan dest pêkerd.

Verê rayraşîyayîşî Serekê Baroyê Îstanbulî Mehmet Durakogluyî verê Edlîyeya Îstanbûlî de eşkerayîyêke daye û nê vatî: ''Wazenê ke baroyan bikerê bêfonksîyon. No do şarî ser tesîr bikero. Bi nê bedilnayîşî wazenê ke baroyî vera binpaykerdişê heqan bêveng bimanê. Baroyanê çeqeran wazenê. Ma do naye qebul mekerê. Ma ver bi dewleta huqûqî rayra şine ke rayîr abikerê. Ma semedê dewleta huqûqî ver bi Anqara rayra şinê. Durakogluyî eşkerayîya ra dima verê xo da Anqara.''

Serekê Baroyê Wanî Zulkuf Uçar zî verê rayraşîyayîşî eşkerayîyêke daye û vat: ''Ma sey Baroyê Wanî semedê heq, huqûq û edaletî do rayra şirê. Semedê huqûqê xoserî ma do rayra şirê. ''Badê ekerayîye Uçar pîya bi çar avûkan kewt rayîyê Amedî.''

Reyna, Mêrdîn, Adana, Mersin, Hatay, Antalya, Izmir û Aydinî ra zî rayraşîyayîşê ver bi Anqara dest pêkerd. Heme bajran ra do avûkatî ver bir Anqara rayra şirê.