Çalakîya ‘Nobeta Azadîye’ ya ke bi waştişê azadîya Rayber Apoyî 25ê hezîrana 2012î de Strasbourg de dîyabî destpêkerdene, kewte serra 14ine.

Nobete verê dezgehanê sey Konseya Ewropa, Mehkemeya Heqanê Merdiman a Ewropa, Komîteya Vergirewtişê Îşkenceyî û Parlamentoyê Ewropa de yena kerdene. Heta nika bi hezaran kurdîstanijî tewrê na nobete bîyî.

Çalakîya nobete kena ke têkoşînê şarê kurdî bêro dîyene û tedaya rayaumûmîye bikera ke mesuldarîyanê xo bîyara ca.

Çalakîye hewt rojanê hewteyî de bêmabên dewam kena. Îdarekaranê çalakîye ra Zulfu Bîngolî ard ziwan ke çalakîye do bi qerardarî dewam bikera û vat: ‘’Azadîya Rayber Apoyî armancê ma yo esas o. Rayber Apo îradeyê şarê kurdî yo. Heta ke îradeyê ci azad nêbo şarê kurdî zî do azad nêbo.’’

Hewteyê 680inî de Nobeta Azadîye hetê endamanê Merkezê Komelê Demokratîkî yê Kurdan ê Bernî ra ameye dewrgirewtene. Çalakîkerê nê hewteyî Dilovan Sogûn, Metîn Mîntaş û Mehmet Leblebîcî yê.