Bi wesîleya rojbîyayîşê Rayberê Şarê Kurdî Abdullah Ocalanî leyî ameyî ronayene û mesajê ''4ê Nîsane rojbîyayîşê ma yê pêroyînan o'' ame dayene.

Sêrt 

Serkêşîya MED TUHAD FEDî, DBP, DEM Partî, TJA û Mayanê Haştîye de Salona Konferansan a Denîze Poyraz de aktîvîteyêke ameye kerdene. Hemşaredarê Sêrtî Safîye Alagaş û Mehmet Kaysî zî tewrê aktîvîte bîyî.

Aktîvîte de Endamê DBPyî Mehmet Can Nasî qalê tesîranê Rayberê Şarê Kurdî kerd. Dima derheqê Ocalanî de sînevîzyonêk ame mojnayene. Wekîla DEM Partî Sebahate Saritaş zî ard ziwan ke ê do heta peynî seba azadîya Ocalanî têkoşîn bikerê. 

Îstanbul 

Mayanê Haştîye bînaya  xo ya Fatîhî de rojbîyayîşê Rayberê Şarê Kurdî fîraz kerd. Dadîyan pasta birnaye û deyîrî vatî. Şayîye bi govendan qedîyaye.

Şirnex 

Qezaya Cizîre de verê Çemê Dîcle de 75 leyî ameyî ronayene. Aktîvîte de seba azadîya Rayberê Şarê Kurdî veng dîya.