Çarçewa tehqîqatêkê Serdozgerîya Komare ya Îstanbulî de polîsan eştbi Meclîsê Ciwanan HDPyî yê Îstanbulî ser. Polîsan endamê Meclîsê Partîye yê HDPyî Lîvan Orman, Hemserekê HDPyî yê Beşîktaşî Orhan Ozoner, Endamê Meclîsê Ciwanan Arjîn Emektar, Ahmet Bayazit, Roj Medrîn Bor, Adem Ayata, Mehmet Salîh Dîkmen û Îsmaîl Toptamûr destbend kerdbî. Wextê nezaretî yê nê kesan 4 rojî amebi dergkerdene. Çarçewa heman tehqîqatî de Wan û Mugla de zî 4 kesî ameybî destbendkerdene.

8 kesî vizêr sewqê Edlîyeya Îstanbulî bîyî. Îfadeyan ra dima Ahmet Beyazit, Îsmaîl Toptamûr, Lîvan Orman, Mehmet Salîh Karatay û Mehmet Salîh Dîkmen ameyî tepiştene û ciwanê bînî zî vera dîyayî.