Rêxistinanê ciwanan derheqê serrgêra 8. ya Qirkerdişê Pirsûsî de vilawekî vila kerdêne û venga pêro kesan dayêne ke 20ê temmuze de serrgêra qirkerdişî de wa vejîyê teber. Polîsan hêrişê ciwanan kerdbî û 44 ciwanî bi îşkenceyî destbend kerdbî. Nînan ra 9 ciwanî sewqê mehkeme ameybî kerdene.

9 ciwanan ra Ayşe Belîz Înce, Gamze Toprak, Berkan Devecî, Yasemîne Ebrû Gursoy, Merve Yeşîlyurt û Alî Taha Saribiyik bi îdîaya 'nêverdayêne ke polîsî karê xo bikerê' û 'dişmenîya vera qanûnê 2911î' tepişîyayî.

Edlîye de bira tepişîyayî bi sloganê 'Pirsûsî rê edalet, edalet seba her kesî' ameye protestokerdene.