Hemserekê Konseya Rayberdişî ya KCKyî Cemîl Bayikî vat ke Riza Altun serkêşan ra yew o ke PKK resnayo asta globale û vat: ‘’Coka hem embazê ma, hem xebatkarê ma hem zî şarê ma ganî raştîya Altunî bîyarê ca.’
Kongreya 12ine ya PKKyî de amebi îlankerdene ke ronayoxanê PKKyî ra Riza Altun şehîd bîyo.
Hemserekê Konseya Rayberdişî ya KCKyî Cemîl Bayikî ajansê ma rê bi vîdeoyêkî qalê Altunî kerd.
Bayikî şexsê Altunî de pêro şehîdê têkoşînî bi rêzî yad kerdî û vat: ‘’Ganî merdimî Riza Altunî baş fam bikerê. Embaz Riza şexsîyetêko pîl, sosyalîstêko pîl û şorişgêrêko pîl o. Ey hema destpêk de Tuzluçayirî ra mîyanê Apoyîyanê verênan de cagirewt.
Riza Altun serkêşan ra yew o ke PKK resnayo asta globale. Coka hem embazê ma, hem xebatkarê ma hem zî şarê ma ganî raştîya Altunî bîyarê ca. Ez do tim embaz Rizayî xo rê bikerê esas.’’
