6 serrî verê cû wextê xoverdayîşê Parkê Gezî de polîsanê Tirkan, Berkîn Elvan qetil kerdbi.  6 serrî yo dewaya Elvanî dewam kena û tewr peynîye de mehkemeya Tirkî 10’ê Nîsane de qerar debi ke cayo ke serebut bîyo de cigêrayîş bêro kerdene. Coka saetanê şodirî de polîsê Tirkî şîyî cayo ke serebut qewemîyo girewt binê ablûqa.

Dayîka Elvanî: Ê do bivajê sûcdar fîşeka gazî ya!

Dayîka Berkîn Elvanî, Gulsum Elvane ard ziwan ke 6 serrî yo na dewa dewam kena û ê cehd kenê ke kesê bînî nêmirê. Elvane kiştişê Mûhammed (7) û Fûrkan Yildirim (6) ê qezaya Silopî ya Şirnêxî ardî vîrî, ke panzer kewtibi keyeyê înan û her di birayî pan kerdibî û vat, “ Seke şima zî zanê ê serebutî de panzar sey sûcdar amebi dîyayene, polîsî ney. Beno ke meşte-bîro na reya zî çeke yan zî fîşeka gazî sûcdar bêra dîyayene.”