Goreyê xebera ke rojnameyê rojaneyî yê Avusturya Der Standardî de ameye weşanayene 69 kesan ke wayîrê xelatê Nobelî yê semedê azadîya Rayberê Şarê Kurdî Abdullah Ocalanî veng da.

Xebere de ya ke bi îmzaya Michael Vokerî ameye parekerdene,  nê ameyî vatene: ''60 kesanê ke wayîrê xelatê Nobelî yê Serekkomarê Tirkîya Recep Tayyip Erdoganî rê mektubêk şawit û waşt Rayberê Şarê Kurdî Abdullah Ocalanî serbest bêro veradayene û pêkewtişê bi şarê kurdî wa bi metodanê haştîyane bêrê çareserkerdene.''

Mîyanê îmzakerdoxan de Elfriede Jelinek zî est o ke 2024 de Xelata Edabîyatî ya Nobelî ya Avusturya girewt. Mektub bi nameyê Aktîvîstê Heqanê Merdiman Jody Wiliamsî ame nuştene ke 1997 de semedê xebatanê xo yê vera mayînan Xelata Haştîye ya Nobelî girewt.

Xebere de derheqê tacrîdê serê Rayberê Şarê Kurdî Abdullah Ocalanî de zî zanayîş ame dayene û ame vatene ke Rayberê Şarê Kurdî Abdullah Ocalan çareserîya meseleya kurdan de wayîrê rolê girdî yo.

Reyna ame vîrvîstene ke rolê Abdullah Ocalanî semedê kurdan senî gird o û ey  semedê haştîye senî gamê xurtî eşt e û ame vatene ke bado ke Erdoganî temmuza 2015î de prosesê haştîye qedîna vera partî û rêxistinanê kurdan caardişê zextî fînayîşî dewre.

Xebere de bale ameye serantene ke şervananê PKKyî Sûrîye û Iraq de vera çeteyanê DAÎŞî têkoşîn kerd û ame vatene ke hema zî Amerîka tay welatê Ewropa û dewleta tirke PKKyî sey 'rêxistina terorî' vîneno.

Rojname de wina ame vatene: ''Akademîsyenê ke wayîrê xelata Nobelî yê Erdoganî rê mektub şawit û seba ke Ocalan şertanê zîndanî yê teberê merdimîye de maneno dejê xo ard ziwan. Îmzakerdoxî Erdoganî ra wazenê wa agêro rayîrê haştîye. Mektub de yeno vatene ke haştîye mumkun a û veng dîyeno ke wa Abdullah Ocalanî bibo serbest û semedê haştîye rolê xo kay bikero."

Xebere de bale ameye antene serê tecrîdê Îmraliyî ame vatene ke dewleta tirke heme pêkerdişanê Ewropa binpay kena.