Çarçewa tehqîqatêkê Serdozgerîya Komare ya Anqara de 29ê teşrîna verêne ya 2022yî de 11 rojnamegerî ameybî destbendkerdene û nînan ra Mudira MA Dîrene Yurtsever, muxabîrî Bêrîvane Altan, Ceylane Şahînlî, Denîze Nazlim, Emrullah Acar, Hakan Yalçin, Hamdullah Bayram, Selman Guzelyuz, muxabîrê JINNEWSî Habîbe Eren û Oznure Deger ameybî tepiştene. Stajyerê MA Mehmet Gunhan û muxabîrê MA Zemo Aggoz çarçewa heman tehqîqatî de bêtepiştiş ameyêne muhakemekerdene.

Vizêr roniştişo verên ê dewaya vera 12 rojnamegeran Mehkemeya Cezaya Girane ya Anqara de ame kerdene. Rojnamegerî bi 'endamîya rêxistine' ameyêne muhakemekerdene. Roniştiş de Dîrene Yurtsever, Berîvane Altan, Ceylane Şahînlî, Denîze Nazlim, Emullah Acar, Hakan Yalçin, Selman Guzelyuz, Habîbe Eren û Oznure Deger vera dîyayî. Derheqê Hamdullah Bayramî de bira dewamê tepiştişî dîyaye. 

Vizêr şewe 9 rojnamegerî Zîndanê Sîncanî ra vejîyayî.  Verê zîndanî de xeylêk kesan rojnamegerî pêşwazî kerdî. Rojnamegeran verê zîndanî de da zanayene ke  ê do nêverdê ke çapemenîya azade bêra bêvengkerdene.