Nobeta vera destsernayîşê Şaredarîya Colemêrgî warê Şîşhane yê Beyogluyî yê Îstanbulî de dewam kena. Vizêr noeta vera destsernayîşê Şaredarîya Colemêrgî de hêrişê vera ziwan û kulturê kurdan ameyî şermezakerdene.

Temsîlkarê DEM Partî, Meclîsê Cinîyan ê Sosyalîstan (SKM), Partîya Sosyalîstan ê Bindestan (EP), Partîya Newe ra Awankerdişê Sosyalîstî (SYKP) zî tede xeylêk kesî tewrê çalakîye bîyî.

Hemserekê DEM Partî yê Beyogluyî Mehmet Sadik Yilmazî nobete de ard ziwan ke bi bahaneya tepişîyayîşê govende îqtîdar gêreno ke seba operasyonan şarî manîpule bikero. Yilmazî venga pêro kesan da ke vera polîtîkayanê qeyûmî û hêrişanê bînan ê îqtîdarî wa yew bibê û têkoşînê xo berz bikerê.

Qiseykerdişan ra dima girseyî pîya govende girewte û tepişîyayîşê bi bahaneya govendgirewtişî şermezar kerdî. Girseyî govende de sloganî vatî.