Ciwananê ke vizêr serrgêra 8. ya Qirkerdişê Pirsûsî de kuçeyanê Kadikoyî de semedê caardişê edaletî çalakî kerde, raştê hêrişê polîsanê tirkan ameyî.

Rexistinanê Ciwanan serrgêra Qirkerdişê Pirsûsî de waşt Kadikoyê Îstanbulî de verê Operaya Sureyya de eşkerayîya çapemenîye bidê. Seba ke polîsan destûr nêda ciwanan, Rêxistinanê Ciwanan xeylêk kuçeyanê Kadikoyî de semedê caardişê edaletî çalakîyî kerdî. Polîsan hêrişê ciwanan kerd bi desan ciwanî bi kelemçeyanê peykîyan destbend kerdî.