Grevê vêşanîye yê bêdem-bêagêrayîşî yê Strasbourgî yo ke 17ê Kanûne de dest pêkerd, ci rê zaf eleqeyo gird esto. Vizêr reyna xeylî hetan ra zîyaretkarê ci estbî. Belçîka, Hollanda, Almanya, Swîsre, Avusturya û Fransa ra bi desan kesan çalakwanî zîyaret kerdî.

Sîyasetmedaro Kurd Mehmet Demîrî vat ke şarê Kurdî wextêkê zorî ra ravêreno la ma do bi nê îrade û qerardarîye ser bikewê.

Avûkatanê Ocalanî ra Mahmût Şakarî zî bale ante muhîmîya çalakîye ser û vat ke na çalakî tarîxî û zaf erjayî ya, do no xoverdayîş bireso serkewtiş.

Nûştoxanê rojnameyê Yenî Ozgur Polîtîka ra Cafer Tarî zî vat ke çalakîya ke çend şino bi girdbîyayîş vila bena, do şaran azadîye rê hîna nêzdî bikero.

Grevê vêşanîye yê bêdem-bêagêrayîşî yê Strasbourgî de çar perçeyanê Kurdistanî ra çalakwanî estî. Sîyasetmedaro kurd Mustafa Sarikaya, parlementera verêne ya HDPyî ya Riha Dîlek Ocalane, rojnamegere Gulîstan Çîya Îke û hemserekê KCDK-Eyî Yuksel Koçî ya pîya Denîz Rojbîne, Nurgul Başarane, Ramazan İmir, Mehmet Nimet Sevîm, Mohamad Ghaderi, Deniz Surgut, Ayvaz Ece, Kadro Bokanî, Kerem Solhan, Agît Ural û Ekrem Yapici çalakîye de ca gênî.