Verê Zîndanê Bakirkoyî de çalakîya 'Veng Bidê Azadîye' serkêşîya MATUHAYDER û merdimanê tepişteyan de ameye kerdene. Çalakîye de paştî dîyaye Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' zî.

Çalakîye de sloganî ameyî vatene. Hemserekanê DEM Partî Tulaye Hatîmogullari û Tuncer Bakirhanî çalakîye de qisey kerd.

Tulaye Hatîmogullari bale ante tedayanê zîndanan ser û pare kerd ke tecrîdê Îmraliyî verê çareserîya meseleya kurdan de astengêk a. Tulaye vat: ''Wa kerdişê xirabî yê vera tepişteyan biqedê.''

Bakirhanî îfade kerd ke Abdullah Ocalan aktoranê çareserîya meseleya kurdan ra oyo tewr girîng o la o yeno tecrîdkerdene. Bakirhanî vat: ''Ocalan tim muzakere û dîyalogan wazeno. Çareserîya meseleya kurdan ney kerdişê şima zerar danê nê welatî. Eke berê zîndanan abibê demokrasî û azadîye do bêrê welatî. Ganî tecrîd wedarîyo û prosesê dîyalog û muzakereyan newe ra dest pêbikero.''

Dima çalakîkeran çalakîya roniştişî kerde û waştişê xo ardî ziwan. Çalakîye de ame vatene ke heta ke tecrîd wedarîyo têkoşîn do dewam bikero.