Reaksîyonê hemverê vêşîkerdişê fîyatê petrolî yê Yelegzerdan agêrabi çalakîya seba girewtişê heqanê ke dest dîyayê ser. Seba nê xusûsen roja Şemeyî bi desan şaristanan de çalakîyî yenê viraştene.

Labelê bale ante ke rîyê betlaneyê peynîya serre ra tewrbîyayîşê nê numayîşan kemî bi. Çalakîya ewilêne a 17ê Teşrîna peyêne rê 282 hezarî kes tewrê ci bibi. 

Hetêna ra çalakîyanê vizêrênan de zî mabênê polîs û çalakwanan de pêkewtişî virazîyayî. Xeylî bajaran de vernîya merkezanê dayîş-girewtişî de û walîtîyan de çalakîyê blokajî ameyî viraştene. Ame zanayene ke pêkewtişan de tena Parîs de 57 kesî hetê polîsan ra gîrîyayî, înan ra tewr tay 33 kesî ameyî destbendkerdene. Bajarê Amiensî de zî hûmara destbendkerdeyan tewr tay 17 a.