Semedê protestokerdişê tecrîdê serê Rayberê Şarê Kurdî Abdullah Ocalanî  û paştdayîşê grevanê vêşanîye yê ke rayberîya Leyla Guvene de ameyî destpêkerdene, Ewropa de çalakîyî bêmabên dewam kenî.

NÛRNBERG

Bajarê Nurnbergî yê Almanya de rayraşîyayîşêk ame viraştene. Endamanê Merkezê Komelê Kurdan ê Demokratîkî, ATÎK, AGÎT, MLPD, Diê Lînke ya pîya bi seyan kesî tewrê çalakîye biyî û bi sloganan vat ke waştişê grevê vêşanîye waştişê ma yo.

BERLÎN

Paytextê Almanya Berlîn de zî Kurdistanijan û dostanê înan waşt ke bi çalakîyêk bale biancê xoverdayîşê grevê vêşanîye ser. Polîsan rîyê posterê Ocalanî û pankartêk ra destûr nêda. La rixmê vernîgiretişê polîsan, çalakwanan pêser game nêeşte. Polîsan hêrişê Kurdistanijan kerd, çalakwanî darb kerdî û 3 kesî destbend kerdî. Çalakwanan semedê serbestveradayîşê  embazanê xo rayîrê trafîqî qefilna.  Dimayê serbestverdayîşê destbendkerdeyan çalakî bi slogana ‘Biciwîyo Rayber Apo‘ yî qedîyaye.

KOLN

Bajarê Kolnî de zî bi heman waştişî çalakîyêk ameye viraştene. Çalakî de tecrîd ame ptorestokerdene û xoverdayoxê grevê vêşanîye ameyî silamkerdene. Qiseykerdişan de ama vatene ke heta bicaardişê waştişê Leyla Guvene do çalakîyê înan dewam bikerê.

SAARBRUCKEN

Bajarê Saarbruckenî yê Almanya de zî bi mîtîngêk vera tecrîd û grevanê vêşanîyê bêvêngîya Ewropa ame şermezarkerdene. Çalakwanan polîtîkaya herişkare ya dewleta Tirkî ya vera Kurdan rê hêrsê xo ard ziwan û hukmatê Almanya ra waşt ke no sucê rê wertax mebo.

KAÎSERSLAÛTERN

Bajarê Kaîserslaûternî yê Almanya de zî Kurdistanijî meydanan de bi.  Rayberîya Komela Mezopotamya de mîtîngêk ame viraştene.  Çalakî de derheqê tecrîd û girevanê vêşanîye de xeylî vilawekî ameyî vilakerdene.

HAMBÛRG

Hambûrg de  zî bi çalakîyêk tecrîd ame şermezarkerdene û xoverdayîşê grevê vêşanîye ame silamkerdene. Çalakî de hemvatoxa Meclîsê Cinîyan ê Rojbîne Leyla Kaya qisey kerd. Kaya vat ke heta wedartişê tecrîdê serê Ocalanî  ê do kuçeyan de bî.

BORLENGE

Bajarê Borlenge yê Swêdî de zî semedê paştdayîşê xoverdayîşê grevê vêşanîye çalakîyêk ameye viraştene. Çalakî de parlamenterê Partîya Çepe Danîel Rîazatî qisey kerd. Rîazatî ard ziwan ke o paşt dano xoverdayoxanê grevê vêşanîye  û vat ke PKK îradeyê şarê Kurdî temsîl keno û ganî lîsteyê terorî bêro vetene.

VESTERES

Bajarê Vestere de zî bi çalakîyêk azadîya Ocalanî ameye weştane û mesajê paştdayîşê girevênê vêşanîye ameyî dayene. Çalakîwana bi sloganan ard ziwan ke waştişê Guvene waştişê înan o.

OREBRO

Bajarê Obebro yê Swêdî de zî semedê protestokerdişê tecrîdî Kurdistanijî kuçeyan de bî. Çalakî de hêrişê dewleta Tirkî yê vera Kurdan û bêvêngîya Ewropa ameyî şermezarkerdene.

TOÛLOÛSE

Bajarê Toûloûse yê Fransa de zî Kurdistanijan bi mîtîngêk paşt da xoverdayoxanê grevê vêşanîye.

GEVLE

Bajarê Gevle yê Swêdî de zî bi çalakîyêk veng dîya hukmatê Swêdî û Yewîya Ewropa ke semedê wedartişê tedcrîdî tê bigêrê.

DRANCY

Banlîyoya Drancyî ya Parîsî de zî endamanê Têgêrayîşê Ciwananê Şorişgêrî çalakîyêk viraşte û bale ante tecrîd û grevan ser.

AMSTERDAM

Bajarê Amsterdamî yê Hollanda de zî bi çalakîyê xoverdayîşê grevê vêşanîye ame silamkerdene û tecrîdê serê Ocalanî ame protestokerdene.