Çalakîyê paştîdayîşê grevê vêşanîye û Rojawanî vila benî
Vera tecrîdê serê Ocalanî û hêrişê dewleta tirkî yê serê Rojawanî Ewropa de çalakîyî vila benî. Vizêr reyna Hollanda, Swêd, Fransa û Yunanîstan de çalakîyî ameyî viraştene.
Seranserê Ewropa de Kurdistanijî û hetê demokratî tecrîdê Îmrali, herîşê Tirkîye yê Rojawanî, qerarê Amerîka û bêvêngîya Ewropa protesto kenî.
DEN HAAG
Bajarê Den Haagî yê Hollanda de vernîya konsolosxaneyê Amerîka de çalakîyêk ameye viraştene. Çalakwanan beyraqê YPG û YPJyî akerdî û vat ke hêrişê serê Rojawanî rê bêvêngmendiş DAÎŞî dir şirîkbîyayîş o.
GAVLE
Bajarê Gavle yê Swêdî zî hêrişê dewleta tirkî yê serê Rojawanî banê şaredarîye de bi çalakîyêk ameyî protestokerdene. Nizdê 50 çalakwanan îdarekaranê şaredarîye dir pêdîyayîş viraşt û înan ra waşt ke wa vera qirkerdişanê dewleta tirkî yê serê Kurdan û tecrîdê serê Ocalanî tê bigêrî.
PARÎS
Paytextê Fransa Parîs de zî Kurdistanijî vernîya konsolosxaneyê Amerîka de ameyî têhet û bi akerdişê pankartê ‘‘Hemverê DAÎŞî de Kurdî kewtî ser, şima nê‘‘ bale ante xoverdayîşê Kurdan.
ATÎNA
Paytextê Yunanîstanî Atîna de zî bi rayraşîyayîşêk tecrîdê Îmrali, hêrişê serê Rojawanî û qerarê Amerîka ameyî şermezarkerdene. Çalakîye de grevê vêşanîye ameyî silamkerdene û mesajê xurtkerdişê mucadeleyî dîyayî.
