Tesîrê çalakîya ke 19ê gulane de 00.30 de vera Merkezê Jetî yê Bingeyî yê Fermandarîya 2. ya Hêzê Hewayî ya Taktîkî ya Tirkan qezaya Rezanî ya Amedî de amebî kerdene, dewam kenê. Çalakîye ra dima selahîyetdaranê tirkan îdîa kerd ke zerarêk nêresayo merkezê jetî ser la pîstê teyarayan de qulêka pîle abîye.

Mudirîya Pêroyî ya Amedî ya Karanê Waranê Hewayî 1ê gulane de pê eşkerayîyêke wina vatbi: ''Xeta merkezê pîstê bingeyî yê Meydanê Teyarayanê Amedî de beşêk tay xeripîyayîşan ra semed 20ê gulane ra heta mengêke do perayîşan ra bêro qefilnayene.''

Ewro zî Walîtîya Amedî xebatê viraştişê pîstê teyarayan ê Fermandarîya Jetî ya Bingeyî daxîlê xebata Meydanê Teyarayan ê Amedî kerd. Walîtîye vat:

''Pîsto bingeyî yê Meydanê Teyarayan ê Fermandarîya Berze yê Jetî yê Amedî heta 24ê gulane ame qefilnayene. Na xebate Wezaretê Resayî û Wezaretê Pawitişî reyde bi koordîne yena kerdene. Yeno hedefkerdene ke xebate 30 rojan de biqeda. Nê prosesî de perayîşê sivîlî Êlih û Mêrdînî ra do bêrê kerdene. Personelê fermandarîye cayanê bînan de wezîfeyê xo rê do dewam bikerê.''