Şaristananê Berlin, Dusseldorf û Kielî yê Almanya de de çalakîyanê xeyme de bale ameye antene hêrişanê kîmyewîyan ser û venga hêzanê mîyanneteweyîyan da ke verê hêrişanê dewleta tirke bigêrê.

Çalakîya xeyme ya Dusseldorfî roja çarine de hetê endamanê YJK-E NRWyî ra ameye dewrgirewtene. Cinîyan ê kurdan çalakîye de kincê sipîyî û maskeyê gazî dayî xo rê. Çalakîye de Vervatoxa YJK-E Aytene Kaplan qisey kerd. Kaplane ard ziwan ke dewleta tirke pê girankerdişê tecrîdê Îmraliyî û hêrişanê kîmyewîyan wazena vengê kurdan bibirna û kurdan qir bikera. Kaplane venga pêro kurdîstanijan da ke vera çekanê kîmyewîyan 13ê teşrîna peyêne tewrê çalakîya Dusseldorfî bibê. Çalakîye de dezgehanê elewîyan ser o Dîda Cenan zî qisey kerd û venga pêro kurdan da ke pîya hêrişanê dewleta tirke vindarnê. Qiseykerdişan ra dima hunermend Serhed Med vejîya sehne ser. Çalakîkeran vilawekî vila kerdî. Çalakîye ewro roja 5. de do biqeda.

Berlin de roja diyîne ya çalakîya xeyme de endamanê Meclîsê Nav-Berlinî standêk akerd û vilawekî vila kerdî. Vilawekan de bale ameye antene şuxilîyayîşê çekanê kîmyewîyan ser û ame parekerdene ke dewleta tirke wazena Başûrê Kurdîstanî veng bikera.

Kiel de zî kurdîstanijan rayberîya Meclîsê Jiyana Jin de hêrişê kîmyewî û hêrişê Qamişloyî yê dewleta tirke çalakîya xeyme de şermezar kerdî. Kurdîstanijan çalakîye de standêk akerd û derheqê hêrişan de vilawekî vila kerdî. Çalakîya xeyme pê sloganan qedîyay