Grevê vêşanîye yo ke seba wedartişê tecrîdê Rayberê Şarê Kurdî Abdullah Ocalanî şaristanê Strasbourgî yê Fransa de dest pêkerdibi kewt roja xo ya 15ine. Çalakwananê grevê vêşanîye ra Egît Ural û Denîz Surguyî mesajê “Qezenckerdiş seba ma bîyo net” da.
Çalakîya grevê vêşanîye ya ke seba wedartişê tecrîdê Rayberê Şarê Kurdî Abdullah Ocalanî şaristanê Strasbourgî yê Fransa de amebî destpêkerdene kewte roja xo ya 15ine. Çalakwanan vat, “Ma do serkewtiş bi tac bikerê.”
Çalakwanan ra Denîz Surgutî vat: “Ma serra newî sere de Rayber Apo, heme embazanê ke hemverê faşîzmî de mucadele danê, xoverdayoxanê zîndanan û heme şarê xo rê pîroz kenê. Ma roja 14. peynîya xo de verdaye. Çalakîya ma bi coş û moralêkê berzî dewam kena. Şarê ma do nêkero vîndî. Ma se ra se bawer kenê ke ma do serkewtişî bi dest fînê. Ma bi bawerîya serkewtişî vanê Bijî Serok Apo.”
URAL: GANÎ MA SERRA NEWÎ BIKERÊ SERRA SERFIRAZÎ
Çalakwananê grevê vêşanîye ra Egît Uralî zî vat: “Sere de ma şarê xo yê Qafqasya û Ewropa silam kenê. 2019 wa pîroz bibo. Ma umîd kenê ke do serra newî aşitî, seypêyî û biratî biyaro. Tayê zehmetîyê mucadeleyo ke 4 perçeyê Kurdistanî de yeno dayene estê la do peynî de bi ser bikewo. Ganî her kes qasê hêzê xo çîyêk bikero û mucadele bido. Ganî ma nê firsendanê ke kewtê destê ma vera nêdê.
Ganî ma 2019 de xetayanê seserra 20ine nêkerê. Ganî ma na serre bikerê serra serfirazî.”
