Bajarê Strasbourgî yê Fransa de vera tecrîdê serê Rayberê Şarê Kurdî Abdullah Ocalanî çalakîya grevê vêşanîye ya bêdem-bêagêrayîşî roja 4. de dewam kena. Çalakwan seba ke CPT Ocalanî zîyaret bikero dest bi kampanyaya îmzayan kerde.
Seba wedartişê tecrîdê serê Rayberê Şarê Kurdî Abdullah Ocalanî bajarê Strasbourgî yê Fransa de grevê vêşanîye yê bêdem-bêagêrayîşî ke hetê ‘‘Însîyatîfê Ocalanî rê azadîye‘‘ ra amebi destpêkerdene roja 4. de yo.
CPT Û KE WA WAZÎFEYÊ XO BÎCA BÎYARÎ
Çalakwanan seba ke CPT Ocalanî zîyaret bikero dest bi kampanyaya îmzayan kerde.
Vilaweka kampanya de nê zanayîşî ameyî parekerdene:
‘‘ Ma sey şarê Kurdî û dostê înan hîrê serrî yo derheqê Birêz Ocalanî de zanayîş nêgênî û seba asayîşê ganî yê ey qisawet kenî. Heme muracatê pêdîyayîşî yê avûkatan û merdimanê Ocalanî yenî redkerdene. CPT ganî rolê xo bica bîyaro, veng bido vengê mîlyonan û Birêz Ocalanî zîyaret bikero.‘‘
Kampanyaya Îzmayan û faxan ya ke seba ke CPT Ocalanî zîyaret bikero yena viraştene, şima eşkenê adresê cerênî ra biresê ci.
