24ê temmuze de qezaya Dara Hênî ya Çewlîgî de qica 13 serre ginaye Çemê Muratî ro. Aydin Tutkalo (43) ke babîyê di qican o, pîya bi embazêkê xo cade xo etş awe û qice fatisnayîşî ra xelisnaye la awe Tutkal berd.

Ekîbanê AFADî dest pê cigêrayîşî kerd la seba ke Çewlîg de awbazî çîn ê bajaranê dormeyî ra awbazî dîyayî ardene ke nê zaf wext girewt. Seba ke bajar de awbazî çîn ê û cigêrayîş cade labez nêame kerdene Tutkal hema zî nêameyo vînayene.

Çewlîgijan medyaya sanale ra seba ke Çewlîg de awbazî çîn ê, nêrazîbîyayîş mojna û vat eke cigêrayîşo ke hewce keno biameyêne kerdene Tutkal do rewna biameyêne vînayene. Çewligan hêrsê xo ard ziwan ke bajarê ko tede çemî û awbendî est ê awbazî çîn ê û vat saba ke bajar de semedê şarî heme îmkanî nînê şuxulnayene qewimîyayîşê winayên benê.

Wekîlê HDPyî yê Çewlîgî Erdal Aydemîr zî hesabê xo yê medyaya sanale de mesajêko winayên pare kerd: ''Embazê ma Aydin Tutkalo ke meseleyanê komelkî de tim cayê ma de bi, heskerdoxê xoza û kesêko hîsgêr bi seba ke yew gane bixelisno awa Çemê Muratî de vînîbîyaye yo. Sebebo tewr pîl kêmayîya awbazan û îxmal ê…  Ti dim do bi hîsgêrîya xo vîrê ma de bî.''