Partîya Çep a Keske Çewlîg de verê banê HDPyî têhetameyîşê şarî kerd. Wekîlê HDPyî yê Wanî Sezaî Temelli, Wekîlê HDPyî yê Çewlîgî Erdal Aydemîr, namzedê Partîya Çep a Keske yê Çewlîgî Cemîle Turhalli Balsak, Omer Faruk Hulaku û Faruk Aris tewrê têhetameyîşî bîyî.

Verî ke şar bêro têhet sey konvey Kervansaray de heyet ame verwazîkerdene. Şarê bajarê bi çapik û nîşanê serekwtişî heyet silam kerd. Verê banê HDPyî de pê def û zûrna govende ameye girewtene. Warî ra sloganê “Bijî Serok Apo” bîyî berz.

Verê qiseykerdişê namzedan mektûbê hunermendanê kurdan ê Ewropa û sîyasetmedarê kurdan Îdrîs Balukenî ameyî wendene.

Erdal Aydemîrî qiseykerdişê akerdişî kerd û vat Partîya Çep a Keske çend xurt bikewo meclîsî, do meseleya kurdan hende lez bêro çareserkerdene.

Cemîle Turhali Balsak vat: “Çewlîg şima semedê Partîya Çep a Keske amede yê. O wext ma eşkenê bibê wayîrê herra xo. Rojê azadî nêzdî yê, sibayî yê ma yê, jin, jiyan azad.”

Omer Faruk Hulaku zî vat: “Ma sey Partya Çep a Keske hukmê xoser û bêhetî wazenê, qanûnê bingeyî yê azadî wazenê. Bi qanûnê bingeyî yê 1921î ziwanê kurdan û kurdî çîn hesibîyayî. Seserra diyîne do bibo ya kurdan.”

Faruk Aris zî nê vatî: “Nê weçînitişî de do demokrasî û kurdî ser bikewê. Ma serkewtişê girdî bifînê dest. Ma do Çewlîg de AKPyî defînê sindoq. Kenê ke nê karî biaçernê salatanê keyeyê xo la şarê Çewlîgî do destûr nêdo.” 

Sezaî Temellî wina vat: “Ma so roja yewşemeyî yewmerdimî bidê war. Ma rayanê xo faşîstan nêdanê. Ma reya xo danê Kiliçdarogluyî. Ma do bibedilnê. Ma pêro pîya raya xo ya bîne danê Partîya Çep a Keske.” 

Têhetameyîş bi govende û slogananê, “Jin, jiyan,azadi” û “ Ma do bi voverdayîşî ser bikewê” qedîya.