Merkezê Çewlîgî de dormeyê Halê Verênî de Emircan Zazaogluyo ke yeno îdakerdene ke madeyê kungkerdişî  şuxilneno, bi kardî kam ke vera ci bi hêriş kerd.  Hêriş de Erdal Çaparlar û Burhanettin Budancamak dinyaya xo bedilnaye.

Birîndaran ra Ozcan Aydin ame amelîyatkerdene, Yilmaz Çakabay Erziromî rê ame sewqkerdene. Rewşa birîndaranê bînan Hasan Baki, Fikri Carfi, Sezer Taner,  Yilmaz Çakabay,  Ahmet Guzel, Niyazi Yildizî hol a. Hetê bînî ra ame vatene ke tewr tay 15 kesî birîndar bîyî la zafê înan payra ameyî tedavîkerdene û taburcu bîyî.

Mudirîya Polîsan a Çewlîgî bi eşkerayîye da zanayene ke şexso hêrişkar madeyê kungkerdişî şuxulneyo û netîce pêrodayîşî de hêrişê derûdorê xo kerdo. Dîya zanayene ke derheqê serebutî de tehkîqat dîyayo destpêkerdene.Walîtîya Çewlîgî zî eşkera kerd ke netîceya hêrişî de 2 kesan dinyaya xo bedilnaye û 7 kesî birîndar bîyî û vat hêrişkar ameyo destbkerdene.

Hetê bînî ra veyîya werte ke babîyê hêrişkarî Emircan Zazaogluyî, M. Zazaogluyî 28ê teşrîna peyêna 2023yî muracatê Mehkema Sulh Huqûqî kerd ke seba ke psîkolojîya lajê ci xirab a wa Nêweşxaneyê Nêweşîyanê Rûh û Sînîrî yê Xerpatî de bêro tedawîkerdene.