13ê teşrîna verêne de seba şiknayîşê tecrîdê Îmraliyî Amed de, Meydanê Îstasyonî de 'Mîtîngê Azadîye' do bêro kerdene. 

Seba mîtîngî amadekarîyî dewam kenê. Wekîlê DEM Partî yê Wanî Sînan Çîftyureko ke do tewrê mîtîngî bibo, ajansê ma rê qisey kerd.

Çîftyurekî vat: ''13ê teşrîna verêne de ma bi xurtî tewrê mîtîngî bibê û tecrîdê vera Abdullah Ocalanî rê vajê ney. Yew bingeyê  tecrîdî yo qanûnî, exlaqî û sîyasî çin o. Ganî peynîya nê tecrîdî bêra ardene. Ganî tecrîdê vera Abdullah Ocalanî wedarîyo û o bieşko fikranê xo şarî de pare bikero. Seba caardişê waştişanê demokrasî, azadî û haştîye û seba wedarîyayîşê tecrîdî ma venga her kesî danê ke bi xurtî tewrê mîtîngê Amedî bibo.''