Vera tecrîdê serê Rayberê Şarê Kurdî Abdullah Ocalanî 13ê teşrîna verêne de Amed de do mîtîngêko pîl bêro kerdene. Wina pawîyeno ke Wanî ra zî xeylê merdimî tewrê mîtîngî bibê.

Wekîlê DEM Partî yê Wanî Mahmut Dîndarî û Hemserekê TUHAY-DERî yê Wanî Çetîn Uyarî venga pêro kesanê haştîgîran da ke tewrê mîtîngê Amedî bibê.

Mahmut Dîndarî vat: ''Seba çareserîya meseleya kurdan û wedarnayîşê tecrîdê Îmraliyî ma venga pêro şarê xo danê ke 13ê teşrîna verêne de tewrê mîtîngê pîlî bibo. Mil bi milî seba azadîya şarê xo ma vengê xo berz bikerê. Azadîya Birêz Ocalanî azadîya şaranê ma ya.''

Hemserek Çetîn Uyarî vat: ''43 mengî yo ma Birêz Ocalanî ra nêeşkenê Abdullah Ocalanî ra agahîye bigêrê. Zîndanan de îşkence resayo asta tewr berze. 9ê teşrîna verêne de Wan de ma eşkerayîye bidê çapemenîye û rayîr a şorê. Seba mîtîngê 13ê teşrîna verêne Wan de karê ma dewam kenê. Ma seferberîye îlan kerde. Ma do Wanî ra şorê Amedî û vengê xo berz bikerê.''